Спорт - һәркем өчен мөмкинлек!

"Сәламәтлек мөмкинлекләре чикләнгән кешеләр турында кайгырту елы" кысаларында физик активлыкка җәлеп итүгә һәм физик культура, спорт белән шөгыльләнүне системалаштыруга аерым игътибар бирелә.

2024 елның 4 мартында 2 нче балалар-яшүсмерләр спорт мәктәбендә Халыкара хатын-кызлар көненә багышланган йөзү буенча ярышлар узды. Сәламәтлекләре чикләнгән балалар йөзү буенча спорт осталыкларын һәм казанышларын күрсәтә алдылар.

Барлык катнашучыларга, тренерларга, ата-аналарга һәм оештыручыларга сәламәтлек мөмкинлекләре чикләнгән балалар өчен шундый искиткеч мөмкинлек тудырганнары өчен рәхмәтебезне белдерәбез.

Ярышларда катнашучыларны лаеклы уңышлары белән котлыйбыз һәм аларга яңадан-яңа спорт җиңүләре телибез!

Чыганак