Ата-аналар комитетлары конкурста көч сынашты

Конкурс район мәгариф учреждениеләренең ата-аналар комитетлары эшен активлаштыру максатыннан үткәрелде. Финал этабына иң көчле командалар үтте: балалар бакчаларының ата-аналар комитетлары №1, №2, №3, №4, №6,  Түбән Яркәйдәге “Балаларны үстерү үзәге-балалар бакчасы” һәм Иске Куктау, Исәмәт, Иштерәк авылларының мәктәпкәчә төркемнәре.

Финал этабы дүрт биремне үз эченә алды:

1. Командаларны визит карточкасы рәвешендә тәкъдим итү.
2. Викторина.
3. Педагогик хәлне хәл итү.
4. "Гаилә һәм балалар бакчасы: балаларны дөрес тәрбиялибез" видеосын яклау.

Конкурс нәтиҗәләре буенча урыннар түбәндәгечә бүленде::

- 3 урын - Югары Яркәйдәге 1 нче санлы балалар бакчасының ата-аналар комитеты.

- 2 урын - Югары Яркәйдәге 3 нче санлы балалар бакчасының ата-аналар комитеты.

- 1 урын - Югары Яркәйдәге 6 нчы санлы балалар бакчасының ата-аналар комитеты.

Беренче урынны алучы комитет күчмә Кубок белән бүләкләнде, ә калган катнашучылар грамоталар алды.

Барлык командалар да сынауларны позитив һәм тату үттеләр. Алар күңел күтәренкелеге һәм уңай эмоцияләр алдылар.

Чыганак