"Урал батыр" конкурсы

Конкурсның максаты - «Урал батыр» эпосын башкаруда иң-иңнәрне ачыклау, кобаир һәм чәчән башкаручылар мәктәбен торгызу һәм үстерү, шулай ук башкорт халкының тарихи һәм мәдәни мирасына сакчыл мөнәсәбәт тәрбияләү.

Конкурста районның мәгариф оешмаларыннан укучылар катнашты. Иң яхшы нәтиҗәләрне Иске Кыргыз, Ябалак, Йонны авылларының мәктәпләре күрсәтте. Алар конкурсның муниципаль этабында җиңүчеләр булдылар.

Югары Яркәйдәге 1 нче санлы гимназия, Т.Рахманов исемендәге, 4 нче санлы урта мәктәпләре һәм Түбән Яркәйдәге лицей укучылары призёрлар дип танылды.

Җиңүчеләрне, призёрларны һәм аларның остазларын уңышлы чыгышлары белән котлыйбыз. Аларга киләчәктә дә иҗади уңышлар телибез!

Чыганак