«Башкирское долголетие» проекты кысаларында

«Демография» милли проекты буенча өлкән буын өчен гамәлгә ашырыла торган республиканың туристлык объектлары буенча бер көнлек бушлай экскурсияләр районыбыз өлкәннәрендә зур кызыксыну уята.

«Башкирское долголетие. Туризм» проекты катнашучыларны Башкортстан Республикасының табигый «җәүһәрләре» һәм аның мәдәни мирасы белән таныштыру өчен искиткеч мөмкинлек.

Кичә районның «көмеш» яшендәге туристларның тагын бер төркеме Башкортстан башкаласына мавыктыргыч сәяхәт ясады. Катнашучылар Ботаника бакчасында булды, анда алар планетабызның төрле почмакларыннан агачлар, куаклар һәм үлән үсемлекләренең уникаль коллекциясе белән танышты. Аннары «Нур» татар театрында «Галиябану» спектаклен карады.

"Экскурсия бик ошады. Өлкәннәр өчен мондый бушлай программа булуына шатмын. Тәмле ашадык, бик кызыклы һәм мавыктыргыч вакыт үткәрдек. Оештыручыларга зур рәхмәт, - дип билгеләп үтте Рәсимә Хәбибуллина.

Чыганак