+21 °С
Болытлы
җәмгыять
9 Май 2024, 04:45
Онытылмый батырлар
Тик бер бәйрәм һич тә онытылмый, Чын йөрәктән, ихлас көтелә. Һәм шул бәйрәм һәрбер буын өчен Бар тарафка игълан ителә.
Онытылмый батырлар
Ветераннар аны каршылыйлар
Майның тугызында бергәләп.
Җиңү көнен күпләр күрмәгәннәр,
Алар җанны куя телгәләп.
Тынгы бирми яралары тәннең,
Төшкә керә шартлау, янулар.
Ябырылган үлем тырнагыннан
Көч-хәл белән исән калулар?!
Мәңгелек ут җыйган батырларын,
Әйтерсең лә, коча кадерләп.
Соңгы каһарманнар баш ияләр
Үткәннәрен бүген хәтерләп.
Гүзәлия ФӘЙЗУЛЛИНА.
Теләкәй авылы.
