Республика программасын – тормышка!

Республика Башлыгы Радий Хәбиров эшенең башында муниципалитетларны үстерү программаларын гамәлгә ашырганда уңайлы, уңайлы шәһәр мохитен формалаштыру мөһим булуын билгеләде. Бу юнәлеш үз эченә паркларны, скверларны, ял итү зоналарын төзекләндерүне, территорияләрне яшелләндерүне һәм инфраструктураны үстерүне ала.
2019-2024нче елларда Башкортстанда шәһәр һәм авылларда җәмәгать киңлекләрен төзекләндерү һәм реновацияләү буенча зур эш башкарылган. Күп кенә проектлар федераль акчалар җәлеп итү хисабына тормышка ашырыла, бу республиканың идарә командасы хезмәте нәтиҗәсе.
“Уңайлы шәһәр мохитен формалаштыру” Федераль проекты кысаларында 2019нчы елдан башлап Башкортстанда 683 иҗтимагый киңлек төзекләндерелгән. Реализацияләнгән проектларның гомум бәясе 7 миллиард сум тәшкил итә. Шуларның 91 проценты — федераль бюджет акчалары. Быел 1,3 миллиард сумлык тагын 123 объект төзекләндерелә.

“Без елдан – ел” Торак һәм шәһәр мохите “илкүләм проектының” Уңайлы шәһәр мохитен формалаштыру” программасында катнашуның шәһәрләребезне һәм авылларыбызны үзгәртүен күрәбез, - дип белдерде республика башлыгы Радий Хәбиров. - Әлеге программаны Русия Президенты башлап җибәрде. Иң мөһиме, программа кысаларында төзекләндерү өчен территорияләрне халык үзе сайлый. Ел саен Русия Төзелеш министрлыгы тавыш бирү үткәрә, аның нәтиҗәләре буенча җиңүчеләр исемлеге билгеләнә, аларга федераль бюджеттан акча бүлеп бирелә. Кабул ителгән схема буенча, 2025нче елга төзекләндерү планнары 2024нче елда формалаштырыла. Башкортстан шәһәрләрендә һәм районнарында тәкъдим ителгән 216 проектның 15-17 мартта битараф булмаган халыкның тавышлары нигезендә 120се сайланган.

Шушы уңайдан соңгы елларда Илеш районында да күләмле проектларның тормышка ашырылуы күзәтелә. Җәмәгать киңлекләрен төзекләндерү һәм реновацияләү буенча зур эш башкарылды һәм башкарыла. Күп кенә проектлар федераль акчалар җәлеп итү хисабына гамәлгә ашырылып килә. Бу республиканың идарәче командасының көндәлек һәм эзлекле хезмәте нәтиҗәсе.

Югары Яркәйдә “Торак һәм шәһәр мохите” милли проектының “Уңайлы шәһәр мохитен формалаштыру” федераль проекты ярдәмендә җәмәгать урыннары, тротуарлар, юллар карала. Әлеге проект чикләрендә Югары Яркәйдәге Кызылармеецлар урамы буенча гомум мәйданы 1400 мең кв.метрдан артык булган җәяүлеләр өчен тәгаенләнгән зоналар төзекләндерелде. Бу райондашларның иҗтимагый киңлекләрне сайлау буенча бөтенрусия онлайн-тавыш бирүдә актив катнашуы нәтиҗәсендә мөмкин булды. Кызылармеецлар урамында кызу эш кайнады. Биредә борт ташлары урнаштырылды, асфальт салынды.

Шуны да билгеләргә кирәк, әлеге проект ярдәмендә, 2019 елда «Җиңү» аллеясы территориясе парковкалау урыннары белән җиһазландырылды. 2020- 2023 елларда – Югары Яркәйдәге Ленин һәм Октябрьнең 50 еллыгы, Коммунистик, Ходайбердин, Свердлов һәм Совет урамнары буенча җәяүлеләр йөри торган юллар каралды.
"Уңайлы шәһәр мохитен формалаштыру" федераль проекты кысаларында Түбән Яркәй авылының Завод урамында җәяүлеләр юлы төзелде, тротуар өчен бордюрлар урнаштырылды.

Әлеге вакытта Түбән Яркәй авылында Дорожная урамында җәяүлеләр юллары төзү эше башланды. Төзелеш "Торак һәм шәһәр мохите" милли проекты һәм "Уңайлы шәһәр мохитен формалаштыру" төбәк проекты кысаларында алып барыла. Әлеге проект кысаларында 970 метр юл төзекләндереләчәк.

Әлеге объект буенча эшләр тәмамланганнан соң, Югары Яркәйдәге Октябрьнең 50 еллыгы урамында җәяүлеләр юлларын төзекләндерү каралган.

Халык өчен уңайлы шартлар булдыру, яңа җәяүлеләр юллары төзү безнең урамнарның инфраструктурасын һәм хәвефсезлеген яхшыртырга мөмкинлек бирәчәк.