Сайлау участогы үз эшен башлады

Сеңрән авылындагы 2084нче сайлау участогында тавыш бирү оешканлык белән башланып китте. Гимн уйнаганнан соң, сайлау участогы эшен башлап җибәргәч, участок сайлау комиссиясе рәисе Гөлнур Биктимерова сайлауларда актив катнашырга чакырып, изге теләкләрен юллады. Беренче булып, барлык гомерен авыл хуҗалыгына багышлап, бүгенге көндә лаеклы ялда булган Глүс Шәймәрданов белән аның тормыш иптәше Нәсилә Мөссәллим кызы  беренчеләрдән булып урнага бюллетень төшерде.