Зур җаваплылык тоеп

Исәмәт авыл советы авыл биләмәсенең 2071нче сайлау участогы нәкъ иртәнге сәгать 08.00дән актив эш башкара. Сайлау комиссиясе әгъзалары күзәтүчеләр барында урнада һәм тавыш бирү өчен күчерелмә әрҗәдә пломбалар булуын тикшерде. Аннары Русия Федерациясе һәм Башкортостан Республикасы гимннары яңгырады.
Якшәмбе, ял көне булуга карамастан, участок ачылганнан бирле сайлаучылар килүдән туктамый. Халык гражданлык бурычын үтәргә ашыга. Килүчеләр арасында төрле буын вәкилләре дә бар.
Шунысы куандыра, сайлаучыларның активлыгы кимеми, авылдашларыбыз республикабыз һәм районыбызның мөһим сайлауларына зур җаваплылык белән карыйлар.