“Игътибар - балалар!” акциясе кысаларында

Шул уңайдан Югары Яркәйдәге Т.Рахманов исемендәге мәктәпнең 3 Б сыйныфында әлеге тема буенча әңгәмә үткәрелде һәм түбәндәге кагыйдәләр төзелде.

Бу кагыйдәләрне истә тоту мөһим:

1. Машина юлын җәяүлеләр юлыннан чыгарга, светофор булганда - яшел сигналга.
2. Юлга чыгар алдыннан һәрвакыт уңга-сулга кара, бөтен транспорт туктаган һәм сине үткәргәненә инан.
3. Машина юлын кызу-кызу атлап чык, шул ук вакытта як-ягыңа кара. Игътибарыңны читкә юнәлтмә!
4. Автомобильдә барганда һәрвакыт хәвефсезлек каешын эләктер.
5. Машина юлында һәм аның янында уйнама.
6. Көннең караңгы вакытында яктылыкны кире кайтара торган элементлары булган киемнәрне куллан.

Юл йөрү кагыйдәләрен үтәгез! Юлларда игътибарлы булыгыз!

Хөрмәтле машина йөртүчеләр!

1. Яшь җәяүлеләргә игътибарлы булыгыз! Исегездә тотыгыз, балалар - юл хәрәкәтендә иң көтелмәгән катнашучылар. Ишегалды территорияләрендә һәм балалар учреждениеләре янында аеруча сак булыгыз.
2. Исегездә тотыгыз, әгәр автомобильдә балалар, өлкәннәр бар икән, сез алар өчен җаваплы. Пассажир баланың иминлеген тәэмин итегез. 7 яшькә кадәрге балаларны балаларны тотып торучы җайланмалар кулланып йөртегез, өлкәнрәкләрен штатлы хәвефсезлек каешы белән эләктерегез. Балалар автокреслоларын һәм хәвефсезлек каешларын дөрес һәм даими куллану гына юл-транспорт һәлакәтләренең авырлыгын киметергә мөмкинлек бирәчәк.

Хөрмәтле әти-әниләр!

1. Балаларның экипировкасында яктылыкны кире кайтара торган элементлар белән кием кулланыгыз, алар баланы тәүлекнең караңгы вакытында машина йөртүчеләр өчен күрер өчен ярдәм итәчәк.
2. Исегездә тотыгыз, сез – балалар өчен үрнәк. Юл йөрү кагыйдәләрен үтәгез, балалар сездән өйрәнәләр.
3. Баланы урамда йөрергә җибәргәндә, юлда үз-үзеңне хәвефсез тоту кагыйдәләрен исләренә төшерегез.

Чыганак