Икмәк - ил байлыгы

Бүген Кадер мәктәбе укучылары укытучылары Лира Галиева җитәкчелегендә Кадер авылындагы икмәк пешерү цехында булды. Аларны һәм тирә-як авылларны җылы икмәк белән тәэмин итүче хезмәткәрләр каршы алды һәм цехның эшчәнлеге белән таныштырды. Монда төрле ассортиментта тәмле икмәк-күмәч пешә. Укучыларда яңа гына мичтән чыккан күпереп пешкән икмәкләр сокландыру тудырды. Балаларда кетердәп торган икмәк безнең табыннарга килеп җиткәнче нинди юл үтүе зур кызыксыну уятты. Алар игенче һәм икмәк пешерүче һөнәрләренең мактаулы, кирәкле, изге булуына төшенде.