Техникалар - әзерлек сызыгында

Муниципаль район хакимияте башлыгы Илдар Мостафин һәм аның төзелеш һәм торак-коммуналь хуҗалыгы буенча урынбасары Тимур Рамазанов, предприятие җитәкчеләре белән берлектә техникаларның торышы анализланды һәм әзерлеге бәяләнде.

Юлларны хезмәтләндерүче техникалар – “КамАЗ”лар, автогрейдерлар, экскаваторлар, тракторлар зур куәткә ия, аларны үз һөнәрләрен яхшы белүче водительләр хезмәтләндерә. Барлыгы 20 берәмлек техникага планлы рәвештә ремонт башкарылган. Бозлавыкта юлларга сибү өчен бер тоннадан артык тоз катнаш ком әзерләнгән.

Смотрда катнашучылар биредәге машиналар торышына уңай бәя биреп, аларның сезонга тулы әзерлеген билгеләде.

Гүзәл ФӘТХУЛЛИНА.