Халыкара инвалидлар көне уңаеннан

Шул уңайдан бүген район мәдәният сараенда күркәм чара үтте. Анда "Мир один на всех" Халыкара сәламәтлек мөмкинлекләре чикләнгән кешеләр көненә багышланган искиткеч концерт оештырылды.
Чарада муниципаль район хакимияте башлыгының социаль мәсьләре буенча урынбасары Рәмил Хәертдинов катнашып, үзенең изге теләкләрен җиткерде. Шулай ук Р.Хәертдинов тантаналы рәвештә район инвалидлар оешмасы рәисе Фәвис Рәфис улы Гарифуллинга Бөтенрусия инвалидлар җәмгыятенең Башкорт республика оешмасын үстерүгә "Шәхси өлеш керткән өчен" дигән медаль тапшырды.
Бәйрәм кичәсе район мәдәният сараеның иҗат коллективлары һәм үзешчән сәнгать артистларының моңлы җырлары һәм дәртле биюләре белән тамашачыларга онытылмас мизгелләр бүләк итте.