Башкорт традицияләрен саклап

Авыл клубларында башкорт телен популярлаштыруга юнәлдерелгән төрле чаралар үткәрелә: башкорт язучылары һәм шагыйрьләре әсәрләре яңгыраган әдәби кичәләр; башкорт телендә театр; башкорт халык җырлары, биюләре һәм уеннары белән танышырга мөмкин булган фольклор бәйрәмнәр.

Республикада башкорт мәдәниятенә: музыкага, кинога, сәнгатькә, әдәбиятка, телгә һәм башка юнәлешләргә зур игътибар бирелә. 2024 елның 3нче декабрендә булган «туры линия» барышында Башкортстан Башлыгы Уфа эшмәкәренең төбәк киемнәре җитештерүчеләре өчен визит карточкасы булачак уникаль логотип булдыру турындагы инициативасын хуплады.
"Сез эшләгәннәр бик дөрес. Бу этника, бу безнең тамырлар. Хәзер бу бик популяр була бара - мөгаен, кешеләр таяныч телиләрдер, һәм ул безнең тарихка, милли мәдәнияткә әверелә", - дип билгеләде Радий Хәбиров.

Башкорт фольклорын саклау, үстерү һәм пропагандалау, башкорт халкының этник мәдәнияте традицияләрен ачыклау һәм популярлаштыру максатларында һәр ике ел саен Илеш районында башкорт этник мәдәнияте һәм заманча сәнгатенең күп жанрлы «Ауаз» ачык фестивале үткәрелә.

Районда "Мирасны тергезү" иҗат этностудиясе эшли, төп максаты-халык традицияләрен, халык сәнгать һөнәрләрен торгызу, саклап калу, үстерү һәм популярлаштыру, яшь буынны традицион халык мәдәнияте кыйммәтләренә җәлеп  итү, Халык сәнгать һөнәрләре өлкәсендә тәҗрибә һәм белемнәрне тапшыру буенча буыннарның дәвамлы элемтәләрен торгызу.

БР халыклары дуслыгы йортының Илеш районындагы М.Гәрәев ис. филиалы Башкорт мәдәниятен һәм телен өйрәнүдә зур  роль уйный. Илеш районы "Зур этнографик диктант - 2024"акциясендә катнашты. Үзәкнең баш белгече Гүзәл Нурыева балалар һәм укучылар өчен Башкортстан Республикасы халыкларының милли костюмы көненә, башкорт теле көненә багышланган тематик дәресләр үткәрә.

Китапханәләр шулай ук башкорт телен пропагандалауга зур өлеш кертәләр. Аларның фондларында башкорт телендә бик күп китаплар, журналлар һәм газеталар саклана. Китапханәчеләр укучыларны башкорт әдәбиятына һәм мәдәниятенә җәлеп итүгә юнәлдерелгән төрле чаралар үткәрә: башкорт язучыларына һәм шагыйрьләренә багышланган китап күргәзмәләре; әдәби укулар һәм башкорт авторлары белән очрашулар; башкорт теле һәм әдәбияты буенча конкурслар һәм викториналар.

Клара Хәлиуллина җитәкчелегендәге «Илһам» әдәби-музыкаль клубы да зур өлеш кертә. Башкорт язучыларының очрашулары һәм юбилейлары үткәрелә.

Узган елда  филология фәннәре докторы, профессор, Башкортстанның халык язучысы, Илеш районының Мактаулы гражданины Суфиян Шәмсетдин улы Поварисовның тууына 100 ел тулуга багышланган "Ак каенлы Илешем" исемле әдәби музыкаль кичә булып узды.  Югары Яркәй авылының район үзәк китапханәсендә" Агыйдел" журналының йөз еллыгына багышланган" Акмулла арбасы "проекты кысаларында семинар - очрашу узды.  Семинар эшендә башкорт прозаигы, шагыйрь, журналист, "Ағиҙел" әдәби - сәнгать һәм публицистик журналының баш мөхәррире Мөнир Сәхиулла улы Кунафин, прозаик, драматург, Башкортстан Республикасының Халык язучысы , Салават Юлаев исемендәге Дәүләт премиясе лауреаты, Башкортстанның атказанган мәдәният хезмәткәре Таңчулпан Хизбулла кызы Гарипова,  язучы, журналист, Язучылар һәм журналистлар берлекләре әгъзасы, Башкортстанның атказанган мәдәният хезмәткәре, И.Ш.Ходайбирдин ис. премия лауреаты Әхмәр Гомәр Үтәбай,  шагыйрә, Башкортстан Республикасы Язучылар берлеге әгъзасы Гөлнара Хәлфетдинова һ.б.  катнашты. Шулай ук башкорт теле һәм әдәбияты укытучылары, район китапханәчеләре, "Илһам" әдәби-музыкаль клубы, "Балкыш" әдәби берләшмәсе әгъзалары, китапханә кулланучылары, укучылары чакырылган иде.

Район үзәк китапханәсендә Башкортстан Республикасының халык язучысы, сатирик жанр остасы Марсель Сәлимов, шулай ук «Һәнәк» журналының баш мөхәррире Илгиз Ишбулатов һәм журналның нәфис мөхәррире Артур Вәсилов белән очрашу булды.

- Клара ХӘЛИУЛЛИНА, Илеш районы «Илһам» әдәби-музыкаль клубы җитәкчесе:

- “Авыл клублары һәм китапханәләре эше нәтиҗәсендә башкорт теле авыл җирендә яшәвен һәм үсүен дәвам итә. Бу учреждениеләр башкорт мәдәниятен саклау һәм киләчәк буыннарга тапшыруның мөһим үзәкләре булып тора“.

Лилия ЙОСЫПОВА.