Илеш делегациясе корылтайда

Корылтай съездына Уфага республикадан, Русия төбәкләреннән һәм чит илләрдән 500 дән артык делегат килде. Чарада районыбыздан Илшат Сибәгатуллин җитәкчелегендәге делегация катнашты.

Район башкортлары корылтае башкарма комитеты рәисе Илшат Әнәс улы СИБӘГАТУЛЛИН төп моментлар турында түбәндәгеләрне бәян итте:

Бүген без, Илеш районы делегациясе, Бөтендөнья башкорт Корылтаеның VI съездында катнаштык. Чарада катнашучылар дуслыкны һәм милләтара татулыкны ныгыту, башкорт халкының рухи мәдәниятен саклау һәм үстерүнең мөһимлеге, шулай ук туган телләрне тулаем һәм гаиләдә өйрәнүнең максатлары һәм бурычлары турында сөйләделәр.

Безне Башкортстан Республикасы Башлыгы Радий Хәбиров сәламләде. Ул бик мөһим булган темаларга кагылып, алар турында тулы итеп сөйләде. Төбәк Башлыгы сүзләренчә, хәзер Корылтайның бурычы МХОда катнашучыларга һәм аларның гаиләләренә ярдәм итү буенча зур эшне дәвам итү. Аеруча игътибар һәм кайгырту – һәлак булган геройларның гаиләләре. Бу һәрвакыт халкыбыз традицияләрендә булды. Башкортлар гомер-гомергә җылы мөнәсәбәттә булдылар, кайгы килгән авылдашларына ярдәм иттеләр. Без беркайчан да абый-апаларыбызны бәладә калдырмаячакбыз, дип билгеләде Радий Хәбиров.

Төбәк Башлыгы балачактан ук туган телне өйрәнүнең мөһимлеген билгеләде, бу, аның фикеренчә, шәхес формалашуга ярдәм итә. Телне, мәдәниятне, гореф-гадәтләрне, һәйкәлләрне, музейларны, милли бәйрәмнәрне һәм спорт төрләрен саклау эшенең мөһимлеген ассызыклады. Шулай ук яшьләрнең милләтнең киләчәген булдыру өчен заманча һәм белемле булырга тиешлеген әйтеп үтте.

Безгә башкорт тарихын, мәдәниятен белергә һәм сакларга, башкорт халкын этнос буларак сакларга кирәк. "Башкорт теле көне", ""Курай көне", "Милли кием көне" бар. Тиздән "Башкорт биюе көне" дә булдырылачак. Бу башкорт теле һәм мәдәнияте ролен үстерүгә һәм саклауга юнәлдерелгән чаралар, диде Радий Хәбиров.

-“Әйтергә кирәк, безгә башкорт телен һәм халкының гореф-гадәтләрен саклап калу, мәдәнияткә ихтирам булдыру, сәламәт яшәү рәвешен пропагандалау, яшьләрне ватанчылык, үз теленә һәм мәдәниятенә сөю рухында үстерү, халыклар арасында татулыкны һәм дуслыкны ныгыту кебек төп бурычларны тормышка ашырырга кирәк.
Шунысы да кызыклы, хәзер бәйрәмнәр календаренда "Башкорт биюе көне" барлыкка килүе шатлыклы вакыйга. Бу исә мәдәниятне үстетергә тагын да мөһим этәргеч. Төбәк Башлыгы аны 21 октябрьдә, талантлы хореограф Фәйзи Гаскәровның туган көнендә билгеләп үтәчәкләрен белдерде,” - диде Илшат Әнәс улы.