+22 °С
Яңгыр
җәмгыять
6 гыйнвар 2025, 10:30
“Орленок”та күңелле стартлар
Бүген, 2025 елның 6 гыйнварында, М.Гәрәев исемендәге спорт мәктәбе тренерлары “Орленок” балалар сәламәтләндерү лагерында “Күңелле стартлар” дигән мавыктыргыч программа үткәрде.“Күңелле стартлар” программасы бай һәм кызыклы булды. Командаларга йөгерү һәм сикерү буенча мавыктыргыч конкурслар, туплар һәм кыршаулар белән эстафеталар тәкъдим ителде.
“Орленок”та күңелле стартлар
Катнашучылар үзләренең спорт сәләтләрен һәм күнекмәләрен күрсәтә алдылар.
Кышкы бәйрәмдә укучылар төрле конкурсларда актив катнаштылар. «Күңелле стартлар»ның барлык этаплары киеренке көрәштә узды. Җанатарлар һәм тамашачылар вакыйгалар барышын кызыксынып күзәтте һәм үз командалары өчен борчылды.
Күркәм чара балаларны берләштерде, беркем дә битараф калмады. «Күңелле стартлар» да катнашып, барысы да үзләрен бердәм коллективның бер өлеше итеп хис иттеләр. Ярышлар чын спорт, сәламәтлек һәм яшьлек бәйрәменә әверелде.
“Орленок”та күңелле стартлар
