Авылны төзекләндерү - уртак бурычыбыз

Русия Төзелеш министрлыгы Бөтенрусия конкурсында катнашуның беренче этабы – перспективалы төзекләндерү өчен территория сайлау. Бу җәһәттән февраль башында төзекләндерү өчен территория сайлау буенча тавыш бирү узды, анда «Югары Яркәй авылы территориясенең үзәк өлешен төзекләндерү» иҗтимагый территориясе җиңде. Бу безгә яшәү өчен уңайлы һәм матур мохит булдыру мөһимлегенең ачык билгесе. Уңайлы шәһәр мохите булдыру буенча иң яхшы проектларның Бөтенрусия конкурсы безгә идеяләребезне тормышка ашырырга һәм район үзәген төзекләндерергә мөмкинлек бирә.

Күптән түгел район мәдәният сараенда семинар узып, анда эшкуарлар, яшьләр, активистлар һәм битараф булмаган райондашлар архитекторлар командасы белән бергә 2026 елга территорияне төзекләндерү проектлары өстендә эшләде. Әйткәндәй, Аффинум бюросы бөтен ил буйлап кече шәһәрләр белән эшли — Ленинград өлкәсеннән Камчаткага кадәр. Башкортстанда әлеге команда Мәләвез, Баймак, Бәләбәй һәм Межгорье шәһәрләрен төзекләндерү буенча эшләде.

Семинарда катнашучылар территориянең проблемалары һәм кыйммәтләре турында актив фикер алыштылар, район үзәген уңайлырак һәм җәлеп итүчәнрәк итү буенча идеяләр һәм тәкъ-димнәр белән бүлеште. Фикер алышу йомгаклары буенча авылны ничек күрергә теләүләре турында ачык күзаллаулар барлыкка килде.

Әлеге уртак эш үз җимешләрен бирер, әлбәттә. Бөтенрусия конкурсында җиңү яулап, Югары Яркәй авылы үзәген төзекләндерү проектын тормышка ашыра алачакбыз.

Хөрмәтле райондашлар! 

Сезне Бөтенрусия конкурсы кысаларында уңайлы шәһәр мохите булдыруның һәм авыл үзәген үзгәртеп коруның иң яхшы проектлары икенче семинарында катнашырга чакырабыз. Чара 20 мартта 17.00 сәгатьтә район мәдәният сараенда үтәчәк.

Очрашуда без эшнең арадаш нәтиҗәләре турында фикер алышачакбыз, тәкъдим ителгән идеяләрне һәм уртак йортыбызны яхшырту вариантларын караячакбыз. Сезнең фикерегез һәм актив катнашуыгыз барлык халык өчен уңайлы киңлек булдыру өчен бик мөһим.