КОТЛЫЙБЫЗ!

Беренче этап дистанцион: ачык дәрес портфолиосы һәм видеосы. Беренче этапта җиңүчеләр (бөтен республикадан 10 дефектолог) икенче этапка үттеләр, ул 2025 елның 3-6 мартында "Йондоз" мәгариф үзәге базасында оештырылды.

Биредә конкурсантларны "Дәрес", "Мастер-класс", "Дефектолог-укытучыга сорау" (пресс-конференция) кебек сынаулар көтте.

Илеш коррекцион мәктәп-интернатының укытучы-дефектологы Эльза Хәнәфи кызы Мусалимова конкурсның барлык этапларын уңышлы үтте, финалга чыккан дефектологларның соңгы бишлегенә керде, конкурс лауреаты, "Профессионал укытучы" номинациясендә җиңүче булды.

Эльза Хәнәфи кызы Башкортстан Республикасы Мәгариф һәм фән министрлыгының Мактау грамотасы белән бүләкләнде.

Җиңүче конкурсантыбызны ихлас күңелдән котлыйбыз һәм алга таба һөнәри уңышлар телибез!

Чыганак