+21 °С
Болытлы
җәмгыять
1 июнь 2025, 07:15
Бәйрәм көнендә уен мәйдачыгы ачылды
Бүген, Халыкара балаларны яклау көнендә, Дөмәй авылында тантаналы бәйрәм чарасы үтте. Анда Башкортстан Республикасы Дәүләт Җыелышы-Корылтай депутаты Фларис Шәйхетдинов, Дүртөйле шәһәре, Дүртөйле һәм Илеш районнары хәрби комиссары Рәүф Яхин, муниципаль район хакимияте башлыгының инвестицияләр һәм эшкуарлык эшчәнлеге буенча урынбасары Тимур Зарипов, махсусх әрби операция ветераны Рубен Хәсәнов, "Ватанны саклаучылар" фондының төбәк филиалы социаль координаторы Ләйсән Латыйпова, килгән кунаклар, авыл халкы катнашты.
Бәйрәм көнендә уен мәйдачыгы ачылды
Күркәм чарада махсус хәрби операция барышында батырларча һәлак булган Айбулатның әнисе - Гөлчәчәк Ахунова авыл балалары өчен төзеткән уен паркы ачылды. Бу матур заманча эшләнгән мәйданчыкта таганнар, батут, тау, беседка урнаштырылган, аерым бинада теннис өстәле, тренажерлар да куелган. Кызыклы уеннар өчен барысы да бар!
Сабыйларга бәйрәм көнендә шундый зур бүләк ясаган Гөлчәчәк ханымга ата-аналар, авыл халкы ихлас күңелдән рәхмәтләрен җиткерделәр. Мондый матур һәм заманча җиһазландырылган уен майданчыгы балаларны бик шатландырды.
Бәйрәм көнендә уен мәйдачыгы ачылды
