+21 °С
Облачно
җәмгыять
18 Июня 2025, 15:30
Райондашыбызга "Ана даны" медале тапшырылды
Безнең һәркайсыбызның тормышы иң якын һәм иң кадерле кешебез булган ана кулыннан башлана. Әниләр өйдә ямьлелек һәм җылылык саклыйлар, балалары турында кайгырталар, аларны йөрәк астында йөртәләр, гомер буе саклыйлар. Ә күп балалы әни булу - тагын да күп тапкырлар зур бәхет. Гаиләгә һәм аналарга дәүләт ярдәме күрсәтү, хатын-кыз - анага карата җәмәгатьчелек тарафыннан ихтирамны тәэмин итү, балалар тәрбияләү һәм күп балалы гаиләләрне социаль яклау өчен уңай шартлар тудыру максатларында Башкортстан Республикасы Башлыгының 1998 елның 16 апрелендәге ПУ-204нче Указы белән «Ана даны» медале тапшыру гамәлгә кертелде.
Райондашыбызга "Ана даны" медале тапшырылды
"Ана даны" медале - балаларны тәрбияләүгә һәм гаиләне ныгытуга керткән өлешләре өчен күп балалы аналарга бирелә торган бүләк ул.
Балалар тәрбияләүдәге һәм гаилә традицияләрен ныгытудагы казанышлары өчен Яңа Аю авыл советы авыл биләмәсенең Груздевка авылында яшәүче Айгөл Мирзәлиф кызы Гәрәева Башкортстан Республикасының “Ана даны” медале белән бүләкләнде.
Айгөл Мирзәлиф кызы тормыш иптәше Филүс Гыйлемдар улы белән биш ул үстерәләр. Олы уллары шушы көннәрдә Русия Армиясе сафларына алына, икенче - Тимур Уфа шәһәре колледжының 2 курсын тәмамлый, өченчесе - Самир үзләре яшәгән авыл мәктәбендә укый, өченче сыйныфка күчә, ә иң кечкенәләре балалар бакчасына йөриләр.
Айгөл "Илеш элеваторы" җәмгыятендә лаборант булып эшләгән, ә хәзер тулысынча үз вакытын йорт хуҗалыгына һәм балалар турында кайгыртуга багышлаган.
Айгөл Мирзәлиф кызына мәртәбәле бүләк Югары Яркәйдәге район Сабантуе вакытында тапшырылды.
Гаиләдә ата-аналары кайгыртуы аркасында балалар ярдәмчел, максатчан һәм мөстәкыйль булып үсәләр. Тату һәм бердәм Гәрәевлар гаиләсенә ныклы сәламәтлек, уңышлар, иминлек телибез.
Райондашыбызга "Ана даны" медале тапшырылды
