Ял паркы гөрләп торды

Тантаналы өлешне муниципаль район хакимияте башлыгы Илдар Мостафин ачты. Үзенең котлау сүзендә ул ныклы гаиләнең җәмгыять нигезе буларак бәяләп бетергесез ролен ассызыклады һәм барлык катнашучыларга сәламәтлек, иминлек һәм озак еллар мәхәббәт теләде.

Илдар Иршат улы Хәбибовларга «Мәхәббәт һәм тугрылык өчен» медален тапшырды. Зөлфинә һәм Рәмил Хәбибовлар гаиләсенә һәм аларның балаларына ЗАГС бүлеге начальнигы Айгөл Хәбирова, Кужбахты авыл советы авыл биләмәсе башлыгы Азат Йосыпов, Гаилә хезмәте җитәкчесе Татьяна Васильева җылы котлау сүзләре һәм ихлас теләкләр җиткерделәр.

Бәйрәм тантаналы өлеш белән генә чикләнмәде. Төрле яшьтәге кунаклар өчен мавыктыргыч мастер-класслар һәм төрле аттракционнар эшләде.

Әлбәттә, бәйрәм концерты онытылмаслык хис-кичерешләр бүләк итте. Район мәдәният сарае солистларының матур номерлары тамашачыларны сокландырды һәм беркемне дә битараф калдырмады. Чара бию флешмобы белән тәмамланды.

Гаилә, мәхәббәт һәм тугрылык көне белән, кадерле райондашлар! Һәр йортта үзара аңлашу, ышаныч һәм мәхәббәт хөкем сөрсен.
Ныклы гаилә - балаларыбызның бәхетле киләчәге һәм районыбызның иминлеге нигезе.