+22 °С
Яңгыр
җәмгыять
16 июль 2025, 05:45
Медицина хезмәткәрләренең туристик слеты үтте
Быел медицина хезмәткәрләренә Стәрлетамак районы дуслык һәм команда рухы өчен чын мәйданчыкка әйләнде. Ул сәламәтлек саклау хезмәткәрләренең "Дуслык - 2025" III республика туристлык слетын матур Юрактау тавы итәгендә кабул итте. Югары Яркәй үзәк район дәваханәсе командасы сигез катнашучыдан торды. Алар алдан сайлап алындылар һәм ярышларның барлык этапларында да лаеклы чыгыш ясадылар. Әфарин, алдагы слетларда да катнашып, җиңүләргә ирешергә язсын!
Медицина хезмәткәрләренең туристик слеты үтте
Слет республиканың төрле почмакларыннан рекордлы 47 команданы җыйды. Алар үзләрен спорт ярышларында һәм чыдамлыкта сынап карарга килделәр. Өч көнгә бирегә 500дән артык сәламәтлек саклау хезмәткәре килде.
Катнашучылар физик кыенлыкларны гына түгел, командада барлыкка килгән авырлыкларны да җиңеп чыктылар. Алар медицина өлкәсендә эшләүдә профессиональлек кенә түгел, хәтта бердәмлек таләп итүен дә күрсәттеләр.
Слет программасында спорт ориентлашуы, медицина ярдәме күрсәтү, палаткалар җыю, туристлык маршруты, суда коткару эшләре кебек ярышлар булды. Иртәнге программа – вакытлыча яшәү урыны, табигый тирәлек шартларында төн куну урынын ясау конкурсы (конкурс биваков), кичке - мәһабәт Шихан итәгендә иҗади номерлар күрсәтү.
Бу туристик слет онытылмаслык вакыйгаларга бай булды. Мондый чараны оештыручыларга, елдан-ел масштаблырак һәм яктырак иткән өчен профсоюзга һәм һәр катнашучыга рәхмәтлебез.
Медицина хезмәткәрләренең туристик слеты үтте
