“Мәдәният - ул минем тормышым”

Менә ике дистә ел инде округта танылган «Сударушки» ансамблен җитәкләүче Наталья Новикова Андреевка авылында мәдәният һәм сәнгать үсешенә үз өлешен кертә.

"Мәдәният - ул минем булмышым, минем тормышым. Әнием 25 ел китапханәче булып эшләде, мин һәрвакыт аның янында булдым, сәхнәдә үстем диярлек. 2006 елда хезмәт эшчәнлеген мәдәният өлкәсе белән бәйләдем. Үземне сәхнәсез, минем рәхмәтле тамашачыларымнан башка күз алдына китерә алмыйм», - ди Наталья Новикова.

Андреевка авылы мәдәният йортында Н.Новикова оештырган туган якны өйрәнү музее эшли.

"Мин моны безнең горурлыгыбыз дип саныйм, чөнки бу - безнең авыл тарихының бер өлеше. Аны үзем 15 ел дәвамында бөртекләп җыйдым", - дип горурланып сөйли Наталья Михайловна.

Халыкта юкка гына «әгәр кешенең таланты бар икән, ул һәрнәрсәдә күренә» дип әйтмиләр. Наталья Михайловна - милли киемнәр кигән курчак тегү остасы. Үз тәҗрибәсен балаларга тапшыра, даими рәвештә мастер-класслар үткәрә, үз иҗаты белән төрле күргәзмәләрдә катнаша.

Чыганак