Абруйлы табиб һәм рәссам

Күптән түгел районыбыз тарих-туган якны өйрәнү музеенда гаҗәеп вакыйга булды. Анда талантлы рәссам һәм атказанган педиатр Зөһрә Әһлетдин кызы Хәлилуллина эшләренең шәхси күргәзмәсе оештырылды.

Күркәм күргәзмәдә «Тормыш гүзәл, мин аны яратам» дигән күңелне нечкәртә торган девиз астында төрле стильләрдә һәм техникада эшләнгән картиналар коллекциясе тәкъдим ителде: картиналарның ачык буяулары акварельнең назлылыгы һәм график рәсемнең сәнгатьлелеге белән янәшә икәне аңлашыла иде. Һәр экспонат аны тудыручының күңел җылысын һәм тормыш сөючәнлеге эзләрен йөртә.

Зөһрә Хәлиуллина таланты моның белән генә чикләнми. Күргәзмә заллары буйлап экскурсияне тәмамлагач, кунакларны онытылмаслык бүләк көтте - ул җыр иде. Аны автор үзе гитарада уйнап ихлас күңелдән башкарды.
Бу очрашу һәр килүченең йөрәгендә онытылмас эз калдырды, чарада катнашучыларга гармония хисе һәм иҗади үз-үзеңне белдерү теләге бүләк итте, чөнки сәнгать тормышны яктырак һәм баерак итәргә сәләтле.

Чыганак