Кечкенә якташыбыз өчен Кремль сарае үз ишекләрен ачты

25 декабрьдә Яңа ел тамашасы Мәскәүдә Кремль сараенда узды.
Чарага безнең районнан махсус хәрби операциядә һәлак булган батыр хәрбинең кызы, Югары Яркәйдәге 4нче санлы урта мәктәбе укучысы Мәсәүгә әкияти сәяхәткә барып кайтты. Анда ул иң мөһим Яңа ел тамашасы - Кремльдәге чыршы бәйрәмендә хөрмәтле кунак булды!

Сәфәр вакытында балалар башкаланың истәлекле урыннары белән таныштылар, ә Кремльнең үзендә алар өчен рус әкиятләре геройлары һәм күңелле әйлән-бәйлән уйнаучылар белән бәйрәм программасы оештырылды.

Мәскәүгә сәфәр яшь катнашучы өчен чын Яңа ел могҗизасы, борчылулардан арыну һәм тылсым атмосферасына чуму мөмкинлеге булды. Күргәннәреннән һәм кичергәннәреннән алган тәэсирләр аның белән озак елларга калачак.

Бу сәфәр аның өчен күңел ачу чарасы гына түгел, бәлки җәмгыятьнең ярдәмен һәм кайгыртуын тою мөмкинлеге дә булды. Ата-аналары Ватан өчен гомерләрен биргән балаларга ярдәм итү дәүләтнең һәм тулаем җәмгыятьнең мөһим бурычы булып кала.

Чыганак