+22 °С
Яңгыр
җәмгыять
14 гыйнвар , 11:05
Башкалада күркәм чара үтте
13 гыйнвар көнне Илеш коррекцион интернат-мәктәбе укучылары әти – әниләре белән Башкорт дәүләт опера һәм балет театрында булдылар. Анда җиденче мәртәбә «Аксаков чыршысы» хәйрия чарасы үткәрелде.
Башкалада күркәм чара үтте
Бәйрәмгә Уфа, Стәрлетамак, Салават, Тәтешле, Илеш, Дүртөйле, Бөре, Бүздәк, Чишмә һәм Уфа районнарыннан 253 үзенчәлекле бала һәм 79 МХОда катнашучыларның балалары чакырылган иде.
Чара «Бәхет территориясе» хәйрия фондының Попечительләр советы рәисе Каринэ Хәбирова патронажында уздырыла. Бу көн балалар өчен могҗизалар белән тулы булды: аларны әкият персонажлары каршы алды һәм озатып йөрде, ә тагын алар өчен төрле фотозоналар эшләде һәм артистлар чыгыш ясады.
Бәйрәм атмосферасын шулай ук волонтерлар бүләк итте. Алар кунакларны мандариннар белән сыйладылар һәм һәр катнашучы өчен уңайлы шартлар тудырдылар.
Спектакль алдыннан тамашачыларны Башкортстан Башлыгы Радий Фәрит улы тормыш иптәше Карина Владимировна белән сәламләделәр. Концерт тәмамланганнан соң Радий Хәбиров «Аксаков чыршысы»нда катнашучы балалар һәм аларның әти-әниләре белән аралашты. Балалар Яңа ел бүләкләрен алдылар, аларны нәни кунакларга хезмәттәшләре белән бергә Республика Башлыгы Радий Хәбиров таратты.
Башкалада күркәм чара үтте
