Янгын сүндерүче - кыюлар һөнәре

Анда яшьләрне һөнәри юнәлеш бирү һәм маршрутлаштыру проекты кысаларында Илеш районы буенча «Халыкны эш белән тәэмин итү республика үзәге» дәүләт казна учреждениесенең территориаль бүлеге ярдәмендә оештырылган «Һөнәри десант: герой ролендә бер көн» һөнәри юнәлеш бирү акциясе узды.

Акциянең максаты - мәктәп укучыларына янгын сүндерүче һөнәре турында реаль күзаллау бирү, коткару хезмәтләренә кызыксынуны стимуллаштыру һәм укучыларга һөнәри ориентлашу вакытында аңлы рәвештә сайлау ясарга ярдәм итү.

Югары Яркәйдәге Т.Рахманов исемендәге урта гомум белем бирү мәктәбенең 8а сыйныфы укучылары часть музеенда булдылар, янгын сүндерү машиналарын һәм җайланмаларын күрделәр, янгын сүндерүченең формасын кызыксынып киеп карадылар һәм спорт турникларында үз көчләрен сынадылар, сораулар бирделәр. Чара мәктәп укучыларына янгын сүндерүчеләрнең эш урынын күрсәтте һәм коткаручы һөнәре белән якыннан танышырга мөмкинлек бирде.

Шулай ук бу очрашу укучыларда әлеге һөнәрнең физик әзерлек, җаваплылык таләп итүен күрергә мөмкинлек бирде, ә инде үз киләчәген янгынга каршы хезмәт белән бәйләргә теләүчеләр өчен гамәли адымнар ачты.

Частьның шәхси составына һәм барлык катнашучыларга җылы кабул итүләре һәм актив катнашулары өчен рәхмәтебезне белдерәбез. Егетләребезнең берәрсе яклаучы юлын сайлар һәм киләчәктә янгын сүндерүче булыр дип өметләнәбез!

Чыганак