Активисткабыз Камчаткада!

Камчаткада “Экосистема. Заповедный край” («Росмолодёжь.Форумы» платформасы) Бөтенрусия яшьләр экология форумының балалар сменасы башланды.

Форум «Яшьләр һәм балалар» илкүләм проекты кысаларында тормышка ашырыла һәм «Экосистема» Бөтенрусия экология үзәге - Яшьләр эшләре буенча федераль агентлыгы (Росмолодежь) проекты мәйданчыгында уза.

5 ел эчендә “Экосистема. Заповедный край” Русиядә экологик агартуның төп мәйданчыкларының берсенә әверелде: монда теория һәрвакыт практика белән кулга-кул тотынышып бара. Балалар сменасында һәр катнашучы яңа белемнәрен куллана алачак — һәм ярымутрауның табигый территорияләре белән эшли алачак.

Быел мәйданчыкта 300 кеше җыелды: мәктәп укучылары, яшь остазлар, профильле олимпиадаларда җиңүчеләр һәм бөтен илдән Юннат хәрәкәте активистлары. Аларның бурычы - гамәли экологик чишелешләр эшләү һәм соңыннан регионнарда кертергә мөмкин булачак «яшел» проектлар булдыру.

Аеруча горурлык - безнең активистка, Илеш районының Беренчеләр Советы рәисе Азалия Муллаянова да форумда катнаша!

Азалиягә уңышлар һәм якты ачышлар телибез - аның идеяләре һичшиксез тормышка ашсын!

Чыганак