Геройлар исемнәре мәңгеләштерелде

«Атайсал» республика проекты кысаларында Флүрә Хәким кызы Хәертдинова инициативасы белән Үрмәт авылында “Барлык Ватанны саклаучы яугирләргә” һәйкәлен ачу тантанасы үтте.

Бу һәйкәл - ул хәтер, кайгы һәм горурлык урыны, анда якташлар геройларга баш ияргә киләчәк һәм бу истәлекне балаларына, оныкларына тапшырачак.

Чарада сугышчы – авыл халкы, интернационалистлар, МХОда катнашучылар һәм аларның ата-аналары катнашты.
Барлык катнашучыларны муниципаль район хакимияте башлыгы урынбасары Тимур Зарипов сәламләде һәм иганәчеләргә Рәхмәт хатлары тапшырды.

Материалны тулырак "Маяк Илеш" гәзитенең алдагы санында укырга була.