Киләчәк өчен җаваплылык тоеп

Бу минутларда тантаналы шартларда Русия Федерациясе һәм Башкортстан Республикасы гимннары яңгырады. Участок сайлау комиссиясе урнашкан бина тавыш бирү процедурасын үткәрүгә тулысынча әзер иде. Биредә күзәтүчеләр өчен урыннар билгеләнгән, сайлаучылар исемлеге, бюллетеньнәр тиешле тәртиптә рәсмиләштерелгән. Бина яшерен тавыш бирү өчен кабинкалар белән җиһазланган. Участокка килүчеләр сайлауларга кагылышлы үзләре өчен файдалы булган мәгълүматларны стендлардан укый алды. Биредә алдагы сайлау кампанияләрендә эшләп, бай тәҗрибә туплаган комиссия әгъзалары сайлаучыларны каршы алып, аларга конституцион хокукын тормышка ашырырга ярдәм итте.

Әлеге участокта “Урал” җәмгыятендә хезмәт салучы Рөстәм Габдуллин иң беренчеләрдән булып үз гражданлык бурычын үтәргә килгән. Территориядә теркәлгән 564 сайлаучы мөһим кампаниядә катнашачак.