Активистлар кросста катнашты

Катнашучыларга 1 километрдан 12 километрга кадәр дистанция тәкъдим ителәчәк - программа балалар, яшүсмерләр, олылар һәм өлкәннәр өчен исәпләнгән. Йөгерү Русия халыклары бердәмлеге елына багышланган.

24 сентябрьдә Сүлте авылында «Милләтләр кроссы»ның зона этабы узды. Ярышларда җирле халык – сүлтелеләр үзләре генә түгел, авыл җирлегенең башка торак пунктлары - Янтуган, Яңа Аташ авыллары вәкилләре дә катнашты. Чарада катнашучылар рәхәтләнеп йөгерделәр. Оештыручылар катнашучыларның яшен һәм физик әзерлеген исәпкә алырга тырыштылар - шулай итеп чарада балалар да, олылар да, өлкәннәр дә катнаша алды. Бу көн актив тормыш һәм спорт сөючеләр өчен чын вакыйгага әверелде. Кояшлы һава һәм дустанә атмосфера катнашучыларны һәм җанатарларны спорт энергиясе һәм уңай кәеф белән рухландырды. Катнашучылар дистанцияләрне бик яхшы үтеп, уңай нәтиҗәләр һәм җиңүгә омтылыш күрсәттеләр.

Бу мөһим чараның төп максаты - сәламәт яшәү рәвешен пропагандалау һәм физик культура белән шөгыльләнүгә, барыннан да элек яшьләрне җәлеп итү, шулай ук – барлык халыкны бер якты һәм күркәм вакыйгада катнаштыру.

Активистларга катнашулары өчен рәхмәт белдерәбез! Ешрак йөгерегез һәм яшь, энергияле, сәламәт булып калыгыз!

Чыганак: Сүлте авыл советы хакимияте.