Бөек Ватан сугышы ветеранында кунакта

Ул Түбән Яркәй авылында яши һәм февральдә аңа 98 яшь тулган. Балалар сугыш җырларын башкардылар, сугыш турында күңелгә үтеп керерлек шигырьләр укыдылар, ветеранның сугыш чоры, совет солдатларының батырлыклары турында сөйләгәнен тыңладылар, аның орденнары һәм медальләре белән кызыксындылар.

Сафетдин Әгъләм улы фронтка 1944 елда китә, сугышны Ерак Көнчыгышта каршылый. Сугыш аның өчен 1945 елда тәмамланмый. Ул Япониягә каршы сугышта катнаша, "Японияне җиңгән өчен" медале һәм башка күп санлы хәрби казанышлар белән бүләкләнә. 1947 елның мартыннан Совет Армиясендә хезмәт итүен дәвам итә. 1947 елның октябрь парадыннан алып 1951 елга кадәр ул Кызыл мәйданда җиде парадта катнаша һәм 1951 елның 14 маенда туган ягына кайта.

Укучыларыбызга бәйрәмнең әһәмиятен аңлау, аларның дәү бабаларының бүгенге тынычлык һәм азатлык өчен көрәшкәннәрен искә төшерү бик мөһим. Без ветераннарыбызны яратабыз, аларның батырлыкларын югары бәялибез һәм хөрмәтле кешеләребезнең мөмкин кадәр озаграк яшәүләрен телибез.

Чыганак