+22 °С
Яңгыр
Авыл хуҗалыгы
19 апрель 2023, 10:05
Вымпел алдынгыларда
Бүгенге көндә кыр батырлары үзара ярышып, хезмәт дәрте белән янып, көнне-төнгә ялгап эшли. Чираттагы 5 көнлек эшкә йомгак ясалып, алдынгыларга район авыл хуҗалыгы идарәсенең Почет грамотасы hәм вымпелы тапшырылды.
Вымпел алдынгыларда
Һәрвакыттагыча “Урожай” токымчылык заводы җәмгыяте уңганнары беренчелекне бирми.
Культивацияләүдә Таһир Нуретдинов “К-744” тракторында 679 гектар җирне эшкәртүгә ирешкән.Шулай ук хуҗалыктан Вәзиф Хәйруллин “МТЗ-1221” тракторында 609 гектар җирне кәтүкләп, алдынгылар сафында.
Чит ил техникасында эшләүчеләр арасында беренчелекне, Массей Фергюсон тракторын иярләүче Динис Фазлыев яулый. Ул - 687 гектар мәйданда хезмәт куйган.
Ә инде җир куенына орлык салуда Рүзил Хәмәдияров "МТЗ-1221" тракторында 375 гектарда чәчү эшләрен башкарган.
Барлык алдынгыларны район авыл хуҗалыгы идарәсе начальнигы Илдар Нәбиев тәбрикләде.
Вымпел алдынгыларда
