Терлекчелекнең киләчәген хәстәрләп

Бу көннәрдә авыл халкы өчен мал азыгы хәзерләү беренче бурыч булып тора. Күпьеллык үләннәрне вакытында чабып алу — кышка сыйфатлы песән һәм сенаж булдыру дигән сүз. Беренче чабымны вакытында башкару, икенчесе өчен яхшы җирлек булып тора. Бу җәһәттән, “Урал” җәмгыяте алдында күләмле эшләр тора. Безнең эшче төркем хуҗалыкның Рсай авылы басуында булып, мал азыгы хәзерләү кампаниясе барышы белән якыннан танышып кайтты.