Эшләсәң, нәтиҗә көттерми

Районның “Агыйдел” җәмгыятендә мал кышлату уңышлы дәвам итә. Монда һәр участокта эш үз югарылыгында оештырылган. Әйткәндәй, малчылыкның отышлы тармак икәнен белеп эшли агыйделлеләр

Йонны товарлыклы сөтчелек  фермасына килеп керү белән тулы тәртип күзгә ташлана. Бу биредә эшләүчеләрнең тырыш хезмәте турында сөйли.  Сөт муллыгына малларны балансланган рацион нигезендә туйганчы ашату һәм таналар белән яхшы эшләү нәтиҗәсендә ирешелә. Иң мөһиме, уңышлар артында малчыларның тырыш хезмәте ята.