Югары күрсәткечкә ирешү юлында

Бөек врач-физиолог Иван Павлов “Врач кешене дәвалай, ветеринар – бар кешелекне”, дигән. Бу өлкәдә эшләгән белгечләр малларны төрле авырулардан дәвалап кына калмый, ул чирләрнең кешеләргә таралуын да искәртә.

М.Гәрәев ис. кооперативның Төйлегән товарлыклы-сөтчелек фермасында Валерик Латыйпов 40 елдан артык гомерен әлеге һөнәргә багышлап, үз бурычын намуслы башкаруы белән йогышлы авыруларны профилактикалауда югары күрсәткечләргә ирешә. Ул үз вазифасына җаваплы карап, аны төгәллек белән башкара. Тәжрибәле белгечнең хезмәте мактауга лаек һәм күпләргә үрнәк булып тора.