Алар хуҗалыкның таянычы

Әлбәттә, монда җир кадерен белгән авыл уңганнарының фидакарь хезмәте ята. Сез рәсемдә күргән (сулдан уңга) механизаторлар, абыйлы­-энеле Илшат һәм Фларис Кашаповлар – менә шундыйлардан. Алар Ватан алдындагы из­ге бурычларын үтәп кайткач, туган кол­хозларында хезмәт юлын башлый һәм әлегәчә тырышып эшли.

Илшат Рәис улы 30 елга якын хезмәт стажына ия булып, үзе хезмәтләндергән «МТЗ­ 12.21» тракторы белән язгы чәчүдә, химик утауда, урып­җыюда ак­ тив катнаша. Тыныч холыклы, һәрвакыт ярдәмгә әзер торучы алдынгы меха­низаторны иптәшләре дә хөрмәт итә.

Фларис Рәис улы хуҗалыкның ныклы таянычы булып, һәр мөһим кампанияда өлгерлек күрсәтә. Ул үз техникасын ­ “МТЗ­82” тракторын һәрвакыт төзек тотарга тырыша, ватылса, тиз арада ре­монтлап, бер тоткарлыксыз эшләтә.

Узган елда абыйлы­-энеле Кашапов­лар урак вакытында игеннәрне тезмә­ләргә салуны зур җаваплылык белән башкарган. Шулай ук алар хуҗалыкта склад төзүдә фидакарь хезмәт сала.