Беренче булып «Урожай» токымчылык заводы җәмгыяте, Куйбышев ис. һәм 22 нче партсъезд ис. кооперативлар җәйге лагерьларга күчте.
Көтү чоры башлангач, терлекчеләр сөт савуның артуын көтәләр.
Терлекләрне көтүлеккә күчерү белән хуҗалыкларда кышкылыкка әзерлек алып барыла, киләчәктә сыерларны кышлату өчен ныклы азык базасы булдыру карала.
Чәчү мәйданнары структурасына сыерларның җитештерүчәнлеген арттыру өчен сайлап алынган иң туклыклы культуралар кертелгән, мәсәлән, люцерна, силос өчен катнашмадагы берьеллык культура һәм кукуруз.
Районда чәчү терлекчелеккә карап алып барыла, чөнки күбрәк сөтне җәй көне генә түгел, киләчәк кышлау вакытында да алырга кирәк.