Мал азыгы хәзерләү буенча семинар үтте

Семинарны муниципаль район хакимияте башлыгы Илдар Мостафин ачып җибәрде. Ул агросәнәгать комплексының 2025 елның беренче биш аендагы эшенә йомгаклар ясады һәм агымдагы чорга бурычлар билгеләде. Аграрийларның төп максаты - минималь чыгымнар һәм югары сыйфатлы мал азыгы хәзерләү. Моңа бары тик агрономнар, инженерлар, ветеринарлар һәм зоотехникларның тыгыз хезмәттәшлеге булганда гына ирешеп була.

Район авыл хуҗалыгы идарәсе начальнигы Сергей Пискарев мал азыгы хәзерләүне оештыруның төп бурычлары турында сөйләде. Ә идарәнең баш инженеры Рәмил Мостафин азык җыю һәм ташу өчен авыл хуҗалыгы техникасын күрсәтте. «Илеш районы ветеринария станциясе» ДБУ директоры Илсөяр Әюпова азыкны соң әзерләү аларның сыйфатын һәм эшкәртелүчәнлеген начарлата, бу исә малларның авыруларына һәм зыян күрүенә китерергә мөмкин, дип билгеләп үтте. 
Семинарда катнашучыларга «КЗ Ростсельмаш», «Акрос РБ», «Гомсельмаш», «Брянсксельмаш» һәм башка җитештерүчеләрнең җиһазларын күрсәттеләр.
Белгечләр тәҗрибә уртаклаштылар һәм агросәнәгать комплексында эшне яхшырту буенча алга таба адымнар турында фикер алыштылар.