Көрәштә көчләрен сынаштылар

Халыклар бердәмлеге көнен бәйрәм итү кысаларында Агыйдел шәһәрендә грек-рим һәм билбау көрәшләре буенча Башкорт АЭСының беренче директоры М.А. Шакиров истәлегенә ачык республика турниры узды.

Әлеге турнирда Башкортстан һәм Татарстан Республикаларының 14 районыннан һәм шәһәреннән 200дән артык спортчы катнашты.

Безнең спортчылар үзләренең осталыкларын һәм көчләрен күрсәттеләр һәм турнир таблицасында лаеклы урыннар алдылар:

1 урын - Рамазан Ибраһимов.

2 урын - Данияр Сәрваров, Элина Шәйхлисламова.

3 урын - Аскар Аллаголов, Айгизәр Хөснуллин.

Турнирда катнашучыларны уңышлы чыгышлары һәм ирешкән нәтиҗәләре белән котлыйбыз! Яңа биеклекләр һәм алга таба уңышлар телибез!

Чыганак