Әфарин, яшь йөзүчеләребез!

Октябрьский шәһәрендә 2014-2015 елларда туган кызлар һәм малайлар арасында йөзү буенча "Алтын балык" Башкортстан Республикасы Беренчелеге узды.

Ярышларда Башкортстан шәһәрләреннән һәм районнарыннан 200дән артык яшь спортчы катнашты.
Илеш районы исеменнән 2 нче балалар-яшүсмерләр спорт мәктәбенең йөзү секциясененә йөрүче алты укучысы чыгыш ясады: Тимур Закиров (тренер-укытучысы - Рәфидә Миңнекаева), Ислам Харисов, Ринат Гөбәйдуллин (тренер-укытучылары - Кәүсәр Сәетов), Айгиз Ахунов, Альмир Латыйпов һәм Данир Идрисов (тренер-укытучысы - Раушания Яппарова).

Тренер-укытучыларның тәрбияләнүчеләре яхшы нәтиҗәләр күрсәттеләр һәм түбәндәге урыннарны алдылар:

Тимур Закиров - 2 урын һәм 3 спорт разрядын (400 м ирекле стиль) һәм күпбәйге буенча 50 м - ирекле стиль, 100 м комплекслы йөзү һәм 400 м ирекле стиль буенча - 3 урынны алды;

Ислам Харисов -3 урын (50 м, баттерфляй);

Тимур Закиров, Ислам Харисов, Айгиз Ахунов һәм Ринат Гөбәйдуллин составындагы команда 4 х 50 м эстафетасында (ирекле стиль) 3 урынны алды.

Спортчыларны ихлас күңелдән котлыйбыз һәм йөзүдә алга таба да уңышлар телибез!

Чыганак