Физкультурачы көненә багышланган чара үтте

9 август көнне үзәк стадионда әлеге бәйрәмгә багышланган спорт чарасы узды.
Чараны ачу тантанасында хакимият башлыгының социаль мәсьәләләр буенча урынбасары Рәмил Хәертдинов катнашты. Ул барлык катнашучыларны бәйрәм белән котлады һәм бүләкләр тапшырды.

Башкортстан Республикасы пенсионерларының IX Спартакиадасында катнашучылар район хакимиятенең яшьләр сәясәте, физик культура, спорт һәм туризм комитетыннан Рәхмәт хатлары алдылар. «Башкорт озын гомерлелек» республика фестиваленең зона турында мактаулы 2 урынны алган «Илеш» дәвалау физик культурасы командасына район хакимиятенең Рәхмәте белдерелде.

Тренер Әлфир Янгировның яшь футболчылары спортчының зачет кенәгәләрен алдылар.

Бу көнне балалар өчен күңелле стартлар, квестлар оештырылды. Район мәдәният сарае хезмәткәрләре җыелганнарга үзләренең музыкаль номерларын бүләк иттеләр.

Бәйрәм футбол буенча мавыктыргыч ярыш белән тәмамланды:

-1 урын - СК Партнер.

-2 урын - Молодежка ФК.

-3 урын – Олимп.

-Иң яхшы капкачы - Эльвир Ризванов.

-Иң яхшы уенчы - Шамил Кадыйров.

-Иң яхшы бомбардир - Шамил Чумаков.

Чыганак