Баскетболчылар булдыра

Спортчылар Түбән Яркәйдәге лицей һәм 1нче санлы балалар-яшүсмерләр спорт мәктәбе базаларында көч сынаштылар.
Егетләр арасында финалда Югары Яркәйдәге 1 нче санлы гимназия һәм Т.Рахманов исемендәге урта мәктәп командалары уйнады. Бер очко аермасы белән Т.Рахманов исемендәге урта мәктәп командасы җиңде. Иң яхшы уенчы дип әлеге мәктәпнең үзәк уенчысы Илнар Дәүләтшин танылды.Ул грамота һәм приз белән бүләкләнде.

Кызлар арасында Т.Рахманов исемендәге урта мәктәп командасы үзен бик яхшы күрсәтте һәм түбәндәге күрсәткечләргә иреште:

-21:1 исәбе белән Югары Яркәйдәге 1нче санлы гимназия командасын җиңде.

-24:12 исәбе белән Андреевка авылы командасын җиңде.  

-22:14 исәбе белән Лицей командасын җиңде.

Барлык катнашучы командаларны ихлас күңелдән котлыйбыз.  Спортчыларыбызга Кушнаренкода узачак зона республика ярышларында уңышлар телибез.

Чыганак