Волейболчыларыбыз, әфарин!

Турнирда өч команда катнашты: М. Гәрәев исемендәге спорт мәктәбе - 2015 һәм 2016 елгы командалар (тренер Рәмзия Вәгыйз кызы Шәйхлисламова спортчылары) һәм кунаклар - Уфаның 34 нче урта мәктәбе спортчылары.

Нәни спортчылар уеннар вакытында җиңүгә омтылыш һәм команда рухын күрсәттеләр. Дулкынландыргыч матчлардан соң урыннар түбәндәгечә бүленде:  

- Җиңүчеләр - 2015 елгы команда (М. Гәрәев исемендәге спорт мәктәбе).

- “Көмеш” медаль -34 нче урта мәктәп (Уфа шәһәре).

- “Бронза” медаль - 2016 елгы команда (М. Гәрәев исемендәге спорт мәктәбе).

Тренер Рәмзия Вәгыйз кызы Шәйхлисламовага аерым алкышлар - искиткеч дебют һәм мәктәпнең зур горурлыгы!

Оештыручыларга, ата - аналарга һәм җанатарларга ихлас рәхмәтебезне белдерәбез. Сез бу көнне онытылмаслык иттегез. Бу турнир безнең яшь волейболчы кызларыбыз өчен спорт юлының менә дигән башлангычы булды.

Чыганак